ලොවට කියමි නුඹට නොඇසුනත්

~~ ලොවට කියමි නුඹට නොඇසුනත් ~~

උදාවුන මේ වසන්තය තව නොබෝ දිනකින් හැර ගියත්...
සිනාසෙන ඔය නිල් නුවන් යුග රැඳෙයි මතකය තුල හෙටත්...
දරාගෙන හැම වේදනාවන් කඳුළු මැද ජීවත් උනත් ...
හමායන මේ මදනලත් දැන් මාව රිදවනවා තවත්...

වියරු ලෝකෙක බිඳී විසිරුණු නිවහනේ සිරිකත නැතත්...

කුරුළු කූඩෙක වගේ පැටවුන් හඬනවා මා ළඟ අදත්...
තුරුළු කරගෙන උන්ගෙ දුක සැප හොයා බැලුවත් මගෙ හිතත්...
තුරුණු වයසට හොයන උණුසුම යදිනවා සත්තයි තවත්...

දිනෙක ලස්සන සිහින ලෝකෙක අපේ දරු පැටවුන් සොයා...
විටෙක සිම්ඹා නුඹේ ගැබ්බර කුසෙහි මගෙ නළලත තියා...

පෙමක පිවිතුරු පලය ලෙස නුඹ බිලිඳියන් තිදෙනෙක් තියා...
මවක වී එක සැනයකින් නුඹ අපව හැර තනිකර ගියා..