තොටුපලකි නුඹ මගේ දිවියට, එතෙර වන්නට නොමැති ඔරුවක්...
කැඩපතකි නුඹ මවා පෙන්වන කිසිදිනක මා නොවිඳි සතුටක්
උණුසුමකි නුඹ හිතට නොදැනී ගත පුරාවට රඟන රැඟුමක්...
සරදමකි නුඹ සියොළඟට මගෙ කොනිති නොගසා දෙවන රිදුමක් ....
ප්‍රේමයෙහි මුදු සුවය නොමවිඳ කියයි නුඹ මට ආලයක් ගැන...
සාගරයෙ රැළි වෙරළ සිඹිනා කාරණය ගැන අසයි දොඩමින...
ජීවිතයෙ අපි පතා නොමවිත් හමුවුනද මෙහි දෙසිත් නොමදැන...
ආදරයෙ ඇති සොඳුරු හැඟුමන් නොතේරෙන නුඹ තැවෙයි අදදින...
හැකිලෙසින් මා සෑම මොහොතෙම සැනසුවා මුදු නුඹේ හදවත...
පෙරලෙසින් නොදැනුනද නුඹගෙන් ප්‍රිය ළඳුනි සහනයක් මා වෙත...
සනසමින් නුඹ එදා උන් ලෙස රවටලා මගෙ සොඳුරු පෙම් හිත...
පිරිමදියි සිත් පතුල සනහා නුඹ නොදුන් සුව දෙවන මධුවිත...
No comments:
Post a Comment